Idioma janty

Janty ханты ясанг / janty iasang
Faláu en	Rusia, nel Distritu Autónomu de Janti-Mansi, Distritu Autónomu Yamalo-Nenets y na provincia de Tomsk
Falantes	9600 (2010)
Familia	Urálicu   Finu-ugro     Obi-ugro       Mansi
Alfabetu	cirílicu
Estatus oficial
Oficial en	Distritu Autónomu de Janti-Mansi (Rusia)
Reguláu por	Nun ta reguláu
Códigos
ISO 639-1	-
ISO 639-2	-
ISO 639-3	kca
Estensión del janty

La llingua janty o ostiaco (nome tradicional que-y daben los rusos) pertenez a la familia de llingües uráliques, el so pariente más cercanu ye'l mansi o vogul, según l'húngaru.

Ye la llingua de los janty o ostiacos, que viven nel norte de Siberia, nes rexones de la cuenca de los afluentes del ríu Obi y del Irtysh y nel cursu medio y baxo del Obi.

Según los datos del censu del 2002, el númberu de jantys algama les 28 700 persones, la mayoría de les cualos (25 900) viven nel distritu autónomu de Janti-Mansi (sacante nes rexones occidentales, habitaes polos mansi) y de Yamalo-Nénets, el restu habiten la zona nororiental de la rexón de Tomsk. Mientres l'intre del sieglu XX la población janty permaneció más o menos estable, pero varió negativamente la conocencia de la so llingua, y asina, si en 1959, el 77% d'ellos teníen el janty como la so llingua materna (pa un total de 19 410), en 1970 el porcentaxe baxara al 68,9% (pa una población total de 21 138), y en 1989 entá ye más, a un 60,5%. Al pie de esti enclín creció de manera imparable el númberu de jantys qu'apoderen el rusu (y que lo tienen como llingua materna o segunda llingua): d'un 70,3% en 1959 a un 89,4% en 1989.